BOEC.EDU.AZ

4-5 mart 2025-ci il tarixlərdə Bakı İdman Sarayında Qazaxıstan Universitetlərinin təhsil sərgisi keçirilmişdir.  ADNSU-nun nəzdində Bakı Neft – Energetika Kollecinin (PHŞ) 60-dan artıq yuxarı kurs tələbələri də iştirak edərək gələcək karyeralarının qurulması yollarında bu sərginin də rolu olacağını düşünmüşlər. Sərginin keçirilməsində əsas məqsəd tələbələri Qazaxıstan Universitetlərində təhsil imkanları barədə məlumatlandırmaqla Qazaxıstan və Azərbaycan dövlətləri arasında qarşılıqlı təhsil əlaqələrini genişləndirmək olmuşdur. Hər iki dövlətin Təhsil Nazirlərinin və Qazaxıstanın respublikamızdakı səfirliyinin də iştirakı ilə sərginin açılış törəni keçirilmiş və təhsil əlaqələrinin vacibliyinə toxunaraq çıxış edən Təhsil Nazirləri və səfir qeyd etmişlər ki, bu əlaqələrin artması xüsusən qardaş türk dövlətlərinin əsas strateji hədəflərindən biridir. Sərgi çox maraqlı təşkil edilmişdir. Tələbələrə 600-dək lotereya biletləri paylanmış və yadda qalan uduşlar olmuşdur. Bu uduşlar sırasında Qazaxıstanın müxtəlif Universitetlərində imtiyazlı təhsil imkanları təklif edilmiş, Qazaxıstanın Almaatı, Astana, Qarağandı və digər şəhərlərinə təyyarə biletləri və müxtəlif hədiyyələr təqdim edilmişdir.